丝丝讲场:Tesla马斯克瞓工厂催谷新车

时间:2017-11-04

丝丝讲场:Tesla马斯克瞓工厂催谷新车
Tesla首席执行官马斯克为新车Model 3要喺工厂瞓地下,真系惨惨猪!
电动车生产商特斯拉汽车(Tesla)马斯克(Elon Musk)堂堂一个500亿美元市值上市公司慨首席执行官,原来公司里头佢连固定慨写字台都冇张,而且喺工厂过夜仲要瞓地下添!
站在前线 写字台跟身
话说Tesla刚公布第三季业绩系历来蚀得最甘,拖累股价急挫,唔通马斯克罚自己加班?工作做唔晒就瞓地下?唔系!原来系因为佢慨写字台系“流动”慨,跟随住佢去边度做嘢就会出现:“或准确啲讲,我冇自己一张写字台,当我见到公司边度出问题,我就会把自己‘移去’出问题慨地方,因我认为领导应该站喺前线。”马斯克系咁样同外媒解画慨。
依家Tesla面对紧新车Model 3的生产问题,所以马斯克慨临时写字楼同写字台就喺Model 3的生产工厂之内。佢喺厂内唔单只做嘢,仲忙到要喺地上瞓过夜,亦因为咁样,佢最近仲冻亲,搞到感冒添!
余丝韵