陈诗慧黐食黐住认衰女 雨侨冇娱乐恨做楼奴

时间:2017-11-04

陈诗慧黐食黐住认衰女  雨侨冇娱乐恨做楼奴
纵使香港乐坛被嘲已死,陈诗慧(左)与雨侨依然对音乐充满热诚,坚持继续创作新歌。
同是歌手出身的雨侨(Ava)和陈诗慧(Eva),性格和外形都是南辕北辙。单看外表,前者千娇百媚,后者率直有个性。陈诗慧去旅行竟然匿酒店打机,相反雨侨最怕与冇计划的朋友去旅行。讲到人生目标,雨侨希望做“楼奴”,但陈诗慧就情愿被叫“衰女”,做一世黐食黐住的“黐家女”。
雨:雨侨 陈:陈诗慧
凌晨创作骚扰家人
雨:近年自己搬咗出嚟,其实有屋企投靠系好舒服。但我成日要喺屋企拍嘢同做音乐,系几骚扰。我想买楼,好多人话即系做“楼奴”,我依家都系“租奴”啦。除咗租屋住,仲要租Studio、网店同Office,另外又要租仓,一个月交五、六份租。试咗一年,我好想Group埋晒一齐,因为加加埋埋啲租都差唔多,咁交租落去都唔系办法,但我知买楼都要好多牺牲!其实我好少去旅行,出Trip都系工作,冇乜娱乐,我又唔买衫同包包,如果决定将啲钱投资“砖头”,就预咗生活上冇咁精彩。但好似Eva咁唔会预生命中将一大旧钱放喺“砖头”度,佢情愿享受咗生活。
陈诗慧搞笑扮锡,雨侨嘟嘴配合。
雨侨坦言当年拍完《喜爱夜蒲3》后多了工作。
雨侨自嘲“租奴”,希望早日储够钱畀首期升呢“楼奴”。
陈:我都喺屋企做音乐,系骚扰慨,但阿妈都冇我符,佢已经放弃。但阿妈又明白,冇理由屋企咁一流享受唔住,自己搬出去辛苦,我又唔系揾得多钱。依家屋企有Home Studio,凌晨3、4点做音乐咪闩好房门啰,阿妈都习惯咗,所以楼唔买啦,黐家住算。我预咗同阿妈一齐住到老,有钱我都留番嚟做音乐好过。
转闯影坛绝处逢生
雨侨指陈诗慧“谐口谐面”,两女即忍唔住丧笑。
陈诗慧笑指屋企好食好住,唔介意一世做“黐家女”。
雨:依家做音乐真系好矛盾,但一早同自己解释咗,亦都唔记得点说服自己。我系创作歌手出身,有啲嘢唔使兜,大家都知做歌手真系好辛苦好惨,三更半夜做完首歌,第二朝起身仲点会系靓样见人,如果系男人应该出晒须根添啦。最辛苦做首歌,得到慨回报系零!我明白人生中唔系样样付出要攞得番,但呢样嘢系零回报就好大镬,因耗尽你好多时间。问我慨话,我仲系钟意做音乐慨,仲会去做,但唔会投放晒时间,好似跳咗落海咁样,回报系零,咁对自己人生都唔负责任,亦冇可能要屋企养咁衰慨女。
陈:我比较固执,系超级嗰种。我08年出道做新人,但之前已经系做紧幕后,投入咗广东歌创作,对广东歌有情意结。觉得好唔抵慨系广东话系本土语言,但依家现象系愈嚟愈少广东歌,个个北上发展,我觉得广东歌系值得保留慨文化遗产。正如你话斋系掟钱落海咁,冇人听啦,反而一只“MK Pop”有几百万点击,做一首正经慨歌就得几千个点击,系气馁o架!但气馁慨同时,又会想继续做,做到有一刻冇办法先放弃。而我哋好好彩系有其他嘢做,佢有美容同拍戏,我亦有拍戏,仲摄到位做电影配乐,变咗有得做番自己钟意慨嘢,系有种绝处逢生慨感觉。
谐口谐面发掘潜能
雨:所以每件事都系有关连,嗰种回报可能唔系咁直接。嗰时拍完《喜爱夜蒲3》之后,真系多咗好多登台骚,好老实讲,如果冇拍戏只唱歌,边个会请你去拉斯维加斯?你系乜水?虽然我依家都系“乜水”,但至少形容到我系边个,所以有啲嘢坚持住,兜个圈可以有意外收获,拍戏带挈唱歌系惊喜慨。我计过条数做Singer Song Writer要太多时间,惟有放弃唔花太多时间去写,有时真系几(火罗),做歌手冇歌派,好似喺赌场赌钱,如果唔落注,咁呢铺牌仲玩唔玩呢?所以我点都要落吓注先得。
陈:最惊喜系我首英文歌《I will be back》,嗰时**真系做完首歌唔做,系完全唔做呢行,好彩萧生(萧定一)执咗我返去,重燃我希望,又畀我做歌同演戏。开心系你睇完首影,赞我系拍喜剧材料,系一个谐星嚟,我真系开心慨,我都好满足。因为我曾经**过如果有机会拍电影都想做谐星,你哋见我都谐到上块面啦。
雨:系呀,谐口谐面,哈哈哈!
文:音乐组
摄:秦健辉
发型:Deep Yu@BEIJING Hair Cult**e
服装:Noveltylane
化妆:J.Wong@Hello!J
发型:Ben Leung@the mira PRIVATE i SALON
服装:N12H
场地:THE BARBE