大美人嘉欣BB同古仔同年 阿Sa出年30有6喇...

时间:2017-11-05

熊黛林(Lynn)同郭可颂刚刚结婚一年,终于成功造人,明年佢哋就荣升做爸爸妈妈,真系可喜可贺!明年系狗年,即系话阿Lynn慨小宝宝就系狗BB喇!查实圈中亦有唔少出名慨艺人,生肖都系属狗㗎!

汤镇业、苗侨伟、梁家辉(1958年)
五虎成员慨汤镇业同苗侨伟,唔系属虎,属狗至真。不过佢两个依然活跃娱圈,横睇直睇,睇唔出有边忽似就嚟60岁㖞。除咗三哥同汤镇业,仲有影帝梁家辉都系属狗㗎!

古天乐、宣萱、李嘉欣(1970年)
属狗慨古天乐,亦系圈中出晒名慨爱狗之人,佢曾经话过狗狗系十分有灵性慨动物。同古仔份属老友慨宣萱,原来佢哋系同龄,大美人李嘉欣,明年48岁,但睇落佢真系唔似啰!

蔡卓妍(1982年)
时间过得真系快,原来阿Sa都就快踏入第三个生肖循环,即系36岁。不过样貌依然同初出道时冇乜点变。