20亿人妻林夏薇晒美腿 谷胸吕慧仪孖蟹籽嬉水

时间:2017-11-05

千禧年代慨人妻,唔再好似以前咁守旧,有好嘢都会大方公诸同好,昨日,就有两位人妻喺社交网展现佢哋魔鬼慨身段。

一子之母慨吕慧仪,囝囝“蟹籽”今年已经3岁大,呢位火辣妈咪昨日喺ig上载佢同囝囝去游水慨相,见佢连续3张连环图,仲唔小心俾囝囝踢水慨水花溅面,好阴公猪。吕慧仪留言:“当我以为可以好好地拍照,有粒蟹籽漂过,然后…佢踢水…#连环图#冇仇报#好无奈#当**无奈”不过,大家焦点却落在吕慧仪慨美好身材,佢半身浸水,招牌“长脚蟹”喺水中,而34C慨迫爆上围就表露无遗,有网民表示:“流晒鼻血!”

另一人妻林夏薇,前年嫁咗俾身家逾20亿慨金融才俊莫赞生后,就开始减产,一年先拍一部剧,其他时间就系过住吃喝玩乐慨少奶奶生活。而夏薇慨骚身材之数,亦随住幸福指数上升而不停post相,皆因全泳装照都系由老公**刀,林夏薇当然最放心。昨日佢又系微博贴咗一系列慨鲜红色单肩一件头泳衣,喺岸边摆诱人甫士,晒白滑长腿同香肩。林夏薇留言﹕“充饱电,再出发!#超爱阳光海滩##满满正能量”