关仁隐事:卖鱼女唔肯执垃圾

时间:2017-11-05

之前讲过“卖鱼女”同妈咪帮电视台出埠做节目嗰阵,将每日配给畀成班工作人员慨水,成箱捧上自己间房,搞到其他人冇水饮之余,两母女仲被发现每支水饮几啖就放埋一边,极之浪费。
原来卖鱼女同佢阿妈慨恶行唔单止浪费食水,话说外景车司机见部车有唔少垃圾,就同工作人员同佢哋两母女讲,叫大家落车时顺手执番自己啲垃圾走,点知卖鱼女妈咪好不满咁拒绝:“我哋喺内地唔使做呢啲嘢㗎㖞!”睇嚟两母女经常喺内地拍嘢畀人服侍惯,搞到连执番自己慨垃圾,呢啲咁小慨事都唔肯做。
撰文:关仁