中环在线: 一田开年 CEO海啸式扑清酒

时间:2018-01-02

㖊日系元旦日,日式百货一田当然唔少得日本传统新年庆祝仪式。一田首席执行官黄思丽带领同事喺荃湾广场一田进行“扑清酒”仪式,即系以木槌敲击酒桶。由于清酒系敲击后溅得越高,代表生意越好,黄思丽当然起势咁扑落去,令现场炸到水花四起,整湿晒自己都冇有怕,仲话“今次仲唔旺到不得了!”
除咗扑清酒外,当然亦唔少得福袋同年糕等日本应节产品,黄思丽亦有当场打年糕,虽然个木槌唔轻,但佢亦打得有板有眼,相当有架势。在场唔少人都有落场拎起木槌试打一番。

加推美少女战士福袋

另外,一田喺上年11月尾搞购物优惠日时,推出慨美少女战士水手服好快就俾大家抢购一空。由于反应唔错,一田卖慨新春福袋,都临时加咗美少女战士福袋,畀多次机会大家储齐。
事实上,想储齐一套水手服真系有需要一早排队,因为今次准备慨水手服福袋有限。曾经系唔少人儿时梦中女神慨水野亚美,所代表慨粉蓝色水手服,每间店都只有20套,只有沙田、荃湾、大埔3间店有售。黄思丽预计有关福袋好快会卖晒,而且都唔系为赚钱,而系想攞个好意头同令顾客开心。

李华华

mailto:LiWaWa@AppleDaily.com