周慧敏弃百万歌酬回馈Fans

时间:2018-01-18

周慧敏弃百万歌酬回馈Fans
周慧敏减磅轻飘飘,舞蹈员轻易将她抬起摆甫士。
有“玉女掌门人”之称的周慧敏(Vivian)将于1月26至29日在红馆举行《一万天荒爱未老.周慧敏30周年演唱会》,连月来为个唱准备的她,昨日在排舞室彩排,又跳又唱《自作多情》。现场见她身形明显消瘦,Vivian说:“依家得101磅几,之前有107磅,都瘦咗6磅,唔再瘦落去喇!去年11月已经开始排舞,自己跳舞比较机器人Feel,需要比正常慨早少少去排练。(返屋企再练?)唔喇,要熄机Feel!”
“义工”古巨基安排性感战衣
为今次30周年演唱会,Vivian全情投入,自爆连歌酬都不要!以她现时身价计,四场演出至少袋百万歌酬,对此她笑说:“冇计过!完全投资番落制作度,系自己想咁做,因每样科技慨嘢都需要Budget。(咁咪‘白做’?)唔觉得!趁我仲有呢个动力,好想为咁多年支持我慨朋友好好做一场。基仔(演唱会总监古巨基)都系义工,捱通顶帮我。(佢出晒须根?)我真系对佢唔住,我惟有对佢老婆好啲。”
周慧敏透露会有性感战衣益歌迷!
周慧敏自嘲跳舞似机器人,故提早排舞。
提到歌衫造型,Vivian透露基仔都有份构思:“本来我好安心,点知佢对我几大期望,畀啲几难着慨衫我,有性感慨!(基仔话一定有宫廷装,系集体回忆?)咁一阵睇先知。(老公过目?)佢知系基仔搞,冇意见,咁上台都要有突破慨!”
文:音乐组
摄:李柏儒