趣趣地 :热刺大胜一样愁 卡尼伤出 英军闭翳

时间:2018-03-13

哈利卡尼(左)的右脚意外被比高域弄伤。路透社

热刺喺周日英超作客般尼茅夫反胜4:1,超越利物浦升上第三位,一洗上礼拜欧联出局慨颓风,但最惨系当家射手哈利卡尼30分钟右足踝被踢伤出,完场后仲俾人影到右脚要着保护靴兼撑拐杖先离开到球场,英媒估计佢足踝韧带受伤,同年半前慨患处一样,当时要唞七个礼拜,今次仲话随时危及世杯,英格兰真系闭翳。

哈利卡尼右脚戴上保护套,要撑拐杖离开温布莱。互联网

神射手赔率沙拿成大热

热刺今场七分钟已经失波,然后30分钟卡尼喺越位情况下入咗波,球波当然唔计,而且佢仲同门将比高域相撞后倒地伤出,好彩热刺35分钟靠迪利阿里追平,仲有近期好勇慨孙兴民喺62同87分钟连入两球,加埋右闸奥里亚补时埋斋,热刺大胜4:1系今季英超第一次先落后下反胜。
不过,24岁慨卡尼赛后被影到撑拐杖离开球场,右脚仲着咗保护靴。领队普捷天奴好担心咁话卡尼周一会做检查,不过冇咗呢个今季英超入24球、各赛事入35球慨王牌射手,热刺争前四慨前程即刻蒙上阴影。英国《镜报》话,初步诊断卡尼系足踝韧带受伤,同佢喺2016年九月对新特兰时所受慨伤一样,当时佢就唞咗七个礼拜,如果今次一样,卡尼就要到四月30号对屈福特慨联赛先可以复出。《镜报》仲加多句,话如果检查结果系更差,卡尼随时未必去到俄罗斯帮英格兰踢世杯,之前仲传领队修夫基想揾卡尼做队长,家阵英军同热刺真系一齐担心。
另外,卡尼本来喺英超射手榜同利物浦翼锋**沙拿一样系24球排第一,不过根据足智彩慨赔率,沙拿即刻落飞到1.72倍,而原本慨大热慨卡尼就上番2.45倍。