求验客手记:国足对欧洲队输到怕 纳比:我唔系神

时间:2018-03-28

话题多多慨中国杯礼拜一曲终人散,国足喺季军战以1:4不敌捷克,两场输晒失10球,老帅纳比仲试到自己教波N年嚟慨最大败仗,连呢个前意大利慨世杯冠军教头都话自己唔系神,唔可以点石成金,同纳比同期慨江苏苏宁名帅卡比路,礼拜一据报都已经唔捞,两位意大利名帅喺中国都真系无符!
国足输畀威尔士同捷克后,俾国内球迷闹到飞起,话中国足协明知球队实力有限,仲要请实力比自己高咁多慨球队踢中国杯系自取其辱咁话。仲闹埋教练纳比唔应该两场用两队唔同慨阵容应战,话咁样根本唔能够达至练兵效果。
纳比话晒都叫“银狐”,但佢领军慨中国队近七场都未赢过,69岁慨佢都话自己唔系神,国足仲有好多嘢需要改进,唔好以为佢带过意大利赢世界杯,就等如带国足可以即刻突飞猛进。据内地传媒指,呢两场大败唔会影响纳比慨饭碗,中国足协依然属意畀纳比领军至2022年。

跌出亚洲前五失种籽

另外,中国杯后有传媒话纳比????家教国足慨人工,有八成都系由佢慨前东家广州恒大代畀,所以今次中国杯点兵,佢就专登征召多啲上海上港慨球员,帮恒大消耗吓呢支国内最大竞争对手咁话,你睇纳比几惨,一阵用得多恒大兵又话佢偏私㖞。
不过今次国足输慨唔单止系面子,事关喺今次国际赛期,亚洲第六慨沙特**伯赛和咗乌克兰,令中国守唔住亚洲排名第五慨席位,喺下年初慨亚洲杯决赛周抽签时,会遇到日本、韩国、澳洲、**同沙地等呢五强。而且,有消息就指国足今次输到惊,短期内都唔会再邀请欧洲队友赛,讲真,世界排名包艇慨欧洲球队直布罗陀,礼拜日主场友赛都赢咗拉脱维亚。

卡比路辞任苏宁教练

而“银狐”慨意大利同乡,江苏苏宁教练卡比路就要执包袱喇。据内媒话,卡比路已经向球会请辞,并且喺周一回国,成为今季中超第二位落台慨教练。消息指卡比路今次离队慨主因并唔系球队成绩欠佳,而系佢同球会高层反咗面,最后双方分手收场。不过,苏宁上季请到卡比路嚟教,都只系排12位,今季三战得一胜两负,卡比路下台都唔出奇吖!