丝丝讲场:唐宫乒乓波台氹客开餐

时间:2018-05-11

丝丝讲场:唐宫乒乓波台氹客开餐
唐宫中国的餐厅设置乒乓波台吸客呃Like,果然识做生意!右为黄忠扬。
自从社交媒体兴起,相机食先已经变咗常态。饮食业抢生意,唔单止食物卖相造型要呃到Like,原来仲要为客人提供埋“打卡”位!喺张乒乓波台上开餐,打埋波,你又点睇?
拟年内开十间分店
餐饮股唐宫中国(01181)旗下休闲餐饮品牌店均设有乒乓波台。佢哋首席财务官黄忠扬解释,休闲餐饮品牌店主打玩味精神,张乒乓波台其实亦系一张可容纳12个人慨饭台,等顾客联谊时可以多啲话题,甚至有机会打番场波,实行“乒乓外交”咁话。
咁点解唔拣高尔夫球?佢话乒乓波先够亲民,基本上人人都识打,就算唔叻都可以打“滴滴仔”。除咗“乒乓波饭台”之外,连碗碗碟碟都预咗畀客人“打卡”,碗底或碟底印有蜜蜂或蚂蚁图案。
咁“呃like”法,难怪佢哋间休闲餐厅今年二月仲进军台湾,以合营模式开分店啦,集团仲计划今年内扩充分店5至10间添!黄忠扬更自爆,落餐厅开完会后,佢亦会同班同事打番场乒乓波,大家轻松吓,工作士气都好啲!
余丝韵