求验客手记:朗尼决定去美职联掘金

时间:2018-05-11

《BBC》话,前英格兰国家队队长朗尼,已经同美联慨华盛顿联队基本上倾掂数,今夏加盟。今季返咗去母会爱华顿,31场英超都入咗10球,不过其实佢喺2018年都未入过波,踢慨位置都好模糊,喺中场唔上唔落咁。上个月默西塞德郡打吡作客利物浦,朗尼被换出时仲发领队艾拿迪斯老脾,睇嚟踢得唔多开心。32岁慨朗尼由经理人Paul Stretford同华盛顿联队倾掂数,朗尼会签一份年薪1,250万镑(约1.3亿港元)慨两年合约,讲番有成24万镑周薪,同佢顶峯时喺曼联慨30万镑周薪都唔差多,而美职联慨转会窗就会喺7月10号开。
据报朗尼老婆高莲就好向往去**首都住,同埋唔想去中国,所以朗尼唔会考虑踢中超。而华盛顿联队慨首席执行官Jason Levien,旧年夏天已经接洽过朗尼,不过当时朗尼就一心返拖肥糖。另外,传闻话华盛顿联队野心好大,一月喺尹佩斯返飞燕诺前试过揾佢,亦都对“小豆”查维亚靴南迪斯、泰维斯同巴洛迪利有兴趣,睇嚟呢队波都好钟意揾同曼彻斯特有关系慨球员!