求验客手记:遭狼噬伤剩一个中坚 利记难逃W魔咒

时间:2019-01-09

求验客手记:遭狼噬伤剩一个中坚 利记难逃W魔咒

利物浦喺星期一慨英足杯第三圈赛事,作客以1:2不敌狼队无缘晋级,连续四季英足杯俾W字头慨球队踢出局,更加弊慨系红军后卫洛夫云今场伤出,球队中坚进一步闹兵荒,领队高路普今次真系头痕喇。

上星期俾曼城打破今季联赛不败身慨利物浦,喺对狼队慨英足杯一共作出九个调动,只有洛夫云同占士米拿继续正选,点知呢两位球员就双双出事。其中洛夫云开赛六分钟就因为大腿受伤要退下火线,由年仅16岁慨小将贺化入替,成为红军英足杯历来最年轻上阵球员。去到38分钟,占士米拿就因为喺中场控失,俾狼队慨鲁尔占美尼斯推足半场后喺禁区射入远柱开纪录。

洛夫云(中)踢咗六分钟就伤出,要由小将贺化入替。

洛夫云伤埋得VVD顶住

虽然51分钟利物浦靠奥历治禁区顶射入靓波扳平,不过4分钟之后狼队慨鲁宾尼维斯喺30码外回敬一球冷箭再次领先。红军原本有机会再一次追平,不过梳顿沙基利69分钟主射罚球中内柱弹出,最后输1:2出局。今次系利记喺高路普执教后,连续第4季过唔到英足杯第4圈,今次第3圈出局仲系红军2011年以嚟最早出局慨一次。虽然唔知高路普迷唔迷信,不过有啲嘢就真系好邪,原来高路普呢四次喺足总杯,同样输畀W字头慨球队,包括15/16球季慨韦斯咸(West Ham)、16/17球季同今季慨狼队(Wolves)同上季慨西布朗(West Bromwich)。

高路普赛后就话,今场作出轮换系逼于无奈:“经过之前慨频密赛程后,好多球员都有轻伤或者需要休息。我哋之前三场比赛慨阵容都几乎一样,所以必须轮换。”随住洛夫云伤腿筋,利物浦得番华基尔云迪积克一位健康慨中坚,预料红军喺星期六作客白礼顿慨联赛,要防中法宾奴泰华利斯好似今场咁客串中坚,而16岁慨贺化都应该继续喺后备席。红军今场打正选慨另外两位小将,右闸拉菲尔甘马曹同埋中场居迪斯锺斯都好受高路普睇重,睇吓佢哋可唔可以把握机会喇。

求验客手记:遭狼噬伤剩一个中坚 利记难逃W魔咒

枪手32强硬撼红魔

至于英足杯第四圈抽签都已经出炉(见附表),卫冕慨车路士抽到好签,对手系英冠慨锡周三或者英甲卢顿慨胜方,而32强最重量级戏码,就系13次英足杯冠军阿仙奴主场硬撼12届盟主曼联,第4圈赛事会喺今个月慨25至28日进行。