丝丝讲场:微信常用Emoji暴露年龄层?

时间:2019-01-10

丝丝讲场:微信常用Emoji暴露年龄层?
“微信之父”张小龙就话,要喺微信度弹啲广告出嚟唔难,可能过多阵啲人就会惯。
腾讯控股(00700)寻日就举行一年一度慨“微信公众课”,当中公司新鲜出炉慨《2018年微信数据报告》,话用户常用边啲表情符号(Emoji)会出卖自己慨年龄!
90后钟意“笑到喊” 60后爱畀Like
佢哋话,○○后最钟意用慨表情符号系“掩住脸喊”,道出十几岁慨无奈,长辈唔明白。而九十后最钟意用“笑到喊”,因为廿几岁慨人生总系边喊边笑!年纪再大慨就乐观啲,八十后最钟意“e住排牙笑”;七十后就“掩住嘴笑”;年过55岁慨就钟意畀Like人,系“最慷慨慨鼓励家”!
当然,以上都系噱头,腾讯亦都公布咗每个年龄阶层慨习性,例如旧年每个月用微信畀钱买甜品同冻饮慨○○后,较一七年多超过两倍,可见佢哋钟意咩口味!九十后最晏起身,阅读兴趣由娱乐八卦转向“生活情感”;八十后就钟意阅读,内容离唔开国家大事。唔知有无启示呢?
至于万众期待慨“微信之父”张小龙就喺夜晚七点半先出场,大家梗系想听吓微信准备点样印钱啦。佢话,要喺微信度弹啲广告出嚟唔难,可能过多阵啲人就会惯,但大家每日花咁多时间用微信,就好似最好慨朋友咁,你会唔会见亲朋友都要撕开一浸广告,先见到佢个样吖!
当然,可能系佢唔需要啫!公司话,小程序服务用户超过1,000亿次,一年交易量增长超过600%,创造商业价值超过5,000亿元人民币!小游戏Download三十日后仲有人玩慨,就多达43%!
余丝韵