阿Sa终极目标攞影后

时间:2019-03-04

阿Sa终极目标攞影后
阿Sa对攞影后信心十足,唔扮谦虚因为唔想太假。
有份角逐今届金像奖影后的蔡卓妍,直言恨攞奖,因为是演员的终极目标!迄今其出场战衣尚未有头绪,过往为了准备出场服,除了要飞去外国跟人“争裙”,又要追捧超级品牌,以高端行头赢取终极战利品。
蔡卓妍(阿Sa)、惠英红、黄秋生、内地演员曾美慧孜和余香凝等前晚出席香港电影工作者总会春茗。有份角逐金像奖影后的阿Sa,仍未准备战衣,笑言冇头绪甚至“有啲呢Hea”,问可会揾人设计,她说:“好多人好肤浅,净系会睇牌子同行头,所以我冇办法唔随波逐流。(叫老板杨受成畀珠宝你戴?)老板娘次次都好帮忙,喺保险箱畀我拣珠宝。(有冇信心?)我话冇又好假,我话有又好似好唔谦虚,OK啦!(有冇睇其他候选人慨戏?)睇咗啲,觉得入围已经好好。(曲线赞自己?)我都OKo架!(恨攞?)话唔恨系呃你,系一个演员慨终极目标。”
吴镇宇指秋生攞奖格
惠英红自爆着黑色衫有Luck。
曾美慧孜(左起)、阿Sa及余香凝同样获提名影后,睇吓鹿死谁手!
吴镇宇、胡定欣都凭《逆流大叔》角逐金像奖。
曾美慧孜亦获提名影后,她亦表示很有信心,问到阿Sa是否最大对手?她说:“我很喜欢她的歌曲《下一站天后》,是我会唱完整的粤语歌。”而吴镇宇则率领《逆流大叔》演员班底余香凝、胡定欣和胡子彤等出席春茗,此片有5位演员获提名,镇宇更是候选影帝,被问到信心,他笑说:“有啲嘢以退为进!”有指是他与黄秋生之争,镇宇笑言:“一定系秋生啦,冇睇佢套戏,但闻到阵除都已经好劲,佢用个头嚟演,头部以下唔郁得,呢啲系攞奖格嚟o架嘛。(输畀佢个头?)系啰。”余香凝叫三飞包括最佳女主角、女配角及原创歌曲奖,她的心水影后是曾美慧孜,女配角则睇好惠英红及周家怡。入围最佳新演员的胡定欣则说:“收到消息嗰刻好开心,虽然喺电视台N年前都攞过新人奖,但呢种感觉系另一样嘢,好开心。”
“佢输个头 我输只舟”
黄秋生对胜负抱平常心,旁为角逐影后的姬素。
至于角逐影帝的黄秋生说:“冇咩所谓,有就梗系好,冲喜吓,冇就冇计。(同镇宇之争?)是但啦,边个攞都咁开心。(佢话闻到你阵除都知你赢?)咁夸张?我松毛松翼啦!(有睇佢部戏?)我冇睇都知佢赢啦,睇佢啲硬照就知佢劲。(咁你咪输畀佢只‘舟’?)咁佢输畀我个头,我就输畀佢只‘舟’!”