曾航生向妻坦白情史:佢选择信我

时间:2019-03-08

曾航生向妻坦白情史:佢选择信我
已婚兼育有一女的曾航生,透露表白和求婚都系传Message搞掂。
早前在电台节目透露已婚兼育有B女的曾航生,再自爆求婚过程极简单,但太太依然冧爆“收货”。重提与前女友梁安琪的往事,他即澄清︰“我问心无愧,清者自清。”又指已向太太坦白事件,太太选择相信他!
现育有10个月大囡囡曾子桐的曾航生接受本报专访,“从实招来”4年前与太太加菲旅行结婚,又笑指节目播出后被友人“投诉”︰“好多朋友都闹我‘咁老友都唔通知声?’,多谢大家慨祝福,太太系圈外人唔想太高调,我又唔钟意麻烦人,希望大家多多包涵。”
问到为何选择在节目“泄蜜”?他坦言并非有意自爆︰“嗰日系同方伊琪一齐做访问,佢见到我电话Wallpaper系个BB女,就问我系边个,我又觉得唔需要隐瞒呢个事实,就话系我个女,发生得好自然。”当初知道“前世情人”来临时心情如何?他微笑冧说︰“好似上天赐咗份礼物畀我,依家都尽量抽时间陪佢,发现佢对音乐好有天分,对声音触觉好敏锐。”
Send Message求婚
有女万事足的曾航生,爱做宅男留家凑女。
曾航生上载老婆童年照(左图),同囡囡好似样噃!
提起求婚过程,他笑言比传统单膝捧花求婚来得别开生面,更全靠一部电话成事︰“好简单用Message求婚,就同太太讲‘既然大家都相处得咁融洽,不如组织一个家庭,等我照顾你啦。’之后佢就Say Yes。”原来他当初连表白都是用同一方法,因太太是内地人,拍拖后一直以Message传情维系“Long D”︰“同太太一拍即合,喺睇法、性格上都好相似。(岁数相若?)都有少少距离,佢比我后生多少少,但大家都钟意宅喺屋企。”
对是非问心无愧
外间指他与演出的电视剧《迷》角色相似,不时问另一半攞钱,他大方说︰“代入冇所谓,识我慨朋友都知我系咩人,唔识我慨朋友,佢哋钟意去点选择,信定唔信,都等佢哋自己决定。(太太清楚了解?)有同佢讲,而佢选择相信我!”
讲到与前女友梁安琪的一段情,曾航生坦承各有各忙,较少联络。对于拍拖时被传“男靠女”,他说︰“第一,我问心无愧,冇做过呢个事情;第二,当事人都有出嚟讲过冇咁慨事;第三,已经揾咗律师进行相关法律程序,清者自清,真系冇咁慨事,梁小姐当年都系我公司职员之一,另外有齐所有合约证明支出。”
场地︰B P International