蕊蕊自细坐唔定滑板冲落斜险毁容

时间:2019-06-22

蕊蕊自细坐唔定滑板冲落斜险毁容
嚟到运动场,蕊蕊忍唔住郁吓!
艺人蕊蕊自小活泼好动,爱在成长之地青衣跳舞及踩滑板,试过有次贪玩坐在滑板于斜路高速冲下去,怎料“人板分离”整个人撞向硬地,结果由头到脚受伤流血,而鼻及嘴唇伤得最为严重,她担心得以为毁容。虽然最后完全康复,但她自嘲坐唔定,冇有怕继续通街走!
蕊蕊小学、中学都在青衣区就读,舞蹈员出身的她,原来亦是无师自通,在青衣默默学会一身好舞功,加入无线打出名堂,她说:“细个读书冇好多零用钱,青衣城海旁附近慨公园我成日都嚟,嗰阵会喺度睇人跳舞自学,又会约埋成班朋友嚟跳舞,呢个地方真系培养咗我跳舞慨兴趣。”
爆缸撞崩牙
除了爱跳舞,她读书时期更喜爱踩滑板,试过有次不小心跌低,令她由头到脚受伤,更险些毁容,认真惊险万分!她忆述当时情况:“当时喺好斜慨斜坡,我坐喺块滑板上面瀡落去,点知我好惊,好想停,结果我离开咗块板瀡咗落去,好记得鼻同嘴唇入面都爆晒血,啲牙又崩咗,下巴又损咗,当时好惊毁容,好在搽咗好多药膏,同埋细个复原得好快。最记得系搞到同行慨朋友都好惊,但唔使入医院,面系皮外伤,反而脚同手就严重啲。”
激发运动潜能
蕊蕊就系喺呢度睇人跳舞自学,培养出兴趣。
重回母校,蕊蕊忆起很多青葱岁月的难忘事!
青衣运动场是发掘蕊蕊运动潜力的地方,可惜发掘得太迟,她说:“其实我读中学嗰几年冇参加过陆运会,纯粹都系坐吓,觉得唔使上堂好开心。点知去到读中学慨最后一年,我乜嘢运动都参加,总之有位报名就去比赛,结果我每一样嘢都拎咗奖牌,我就开始发觉我有啲体育天分,不过可惜已经系最后一年。”
“坏”学生?老师都好惊我!
自言坐唔定的蕊蕊表示读书时期是个“坏”学生,更感染其他乖同学,与她“同流合污”,她说:“其实我唔系做坏事慨学生,系个人活跃啲,好多老师都好惊我,会安排啲好乖慨学生坐喺我附近,但最后都会畀我感染到佢哋多咗讲嘢,搞到佢哋变得活跃,所以我对老师嚟讲都几麻烦。本身我又好难集中留心听书,当时最有兴趣就系上体育同数学堂,一睇字我就会瞓着,要我背嘢死记真系唔得!”
平民商场扫街Shopping
小时候零用钱不多,蕊蕊坦言爱到平民地方葵涌广场扫街购物,皆因入面应有尽有,她说:“做学生冇乜钱,所以我多数会同同学去葵涌广场,一嚟又平、二嚟又多选择。除咗食嘢之外,又可以买衫同饰物,真系学生天堂!依家佢哋仲幸福,因为多咗好多选择,我自己其实久唔久都会去食吓嘢。”