孖妹S档案:4个财俊点赚首桶金?

时间:2019-07-15

孖妹S档案:4个财俊点赚首桶金?
4个财俊点赚首桶金?
香港人出名够博够食脑,所以过去诞生好多个百万及千万富翁。唔问都唔知,孖妹慨朋友圈内都有唔少成功例子。佢哋仲要系年纪轻轻,无靠“父干”,靠自己慨双手赚人生第一桶金。所以,孖妹今次打醒十二分精神,虚心向四位80后、90后学习创富秘诀!
Kitty:假设一个打工仔每月储1万元,都要8年多慨时间先储够100万元。
刘胜钧表示,现时不睇好股市,无揸任何股票。
马光健认为,股票市场已经好成熟,风险溢价细。
曾卓耀表示,现时不断自我增值及储人脉,希望有朝一日可自立门户。
彩儿:喺AI年代,能唔能够保住饭碗都唔知。所以,依家仲唔加把劲赚多啲,将来后悔莫及。
洪龙荃称,每月会储起一半人工。
刘:名表交易平台18Watch创办人刘胜钧(Harvey)
炒股入门 中六赚够百万
刘:我中一开始炒股,当时市道好,真系买咩都赚,觉得自己系少年股神。而为咗Keep住自己慨成绩,就睇好多书,钻研宏观经济、历史及**,期望能够以古鉴今,提升分析能力,其后8年,每年股票平均回报都有20至30%。到中六时已经赚够100万元,当中大部分盈利来自股票,小部分来自比特币及做生意。
Kitty:我知道你近年专注搞生意,但做生意风险高,唔怕一铺清袋咩?
创业无惧失败 当考眼光
刘:唔怕。年轻人输得起。如果输晒啲钱,就可以靠自己之前累积慨知识同人脉赚番嚟,所以点都唔会饿亲。再者,喺创业路上,就要预咗经历失败,但从失败中必定学到嘢,就当锻炼眼光同胆识,相信凭着锲而不舍慨精神,最终会成功。我做过好多唔同生意,包括喺**采购废弃服务器,然后一柜柜运返香港转售,都有逾15%回报。另外,又有喺内地开厂做塑胶原料生意;最近更整咗个名表交易平台。
Kitty:咁你唔再炒股喇?
刘:每个人都要知道自己慨置富优势,揾到适合自己慨战场赚钱。我就负责对外,搞生意赚钱。但目前我同拍档都唔睇好股市,所以无揸任何股票。
另外,我对香港经济悲观,因香港依赖传统行业,无新经济动力,受中美贸易战等**因素影响,吓退投资者。此外,香港楼市泡沫大,租金回报率过低,港人收入追唔上楼价升幅。一旦楼市下跌,银行面对流动性风险,就会出现连锁效应,影响埋向银行借贷慨实业家,令实体经济转弱。
KK:投资者马光健(KK)
外汇加Bitcoin 资产倍数升
彩儿:“香港千万富翁调查报告2018”指,香港共有51.1万名持有1,000万元或以上资产慨千万富翁。KK,你好快成为执业医生,晋升为千万富翁指日可待。
KK:想成为百万或千万富翁,你要先问自己,点解赚唔到呢个数?收入来源除咗系份人工,大家仲可以寻找其他被动收入及投资收入等。我用绝大部分时间研究Trading,就系要寻找值得投资慨资产。过去,我投资外汇,令资产由几万元涨至几十万元;再靠投资比特币(Bitcoin),令资产喺一年之内翻几倍,由几十万元涨至百万元。
Kitty:炒股唔系安全过炒虚拟货币咩?Bitcoin价格波幅好大。
睇淡美股 明年料转熊
KK:股票市场已经好成熟,风险溢价被挤压到好少;相反比特币市场仲未成熟,价格仲有好多上升空间,所以我之前将10万美元All-in Bitcoin。我哋唔认同比特币慨设计理念,但就觉得其价格走势有利可图。无疑,Bitcoin价格走势好波动,但以前大宗商品价格都系咁。
彩儿:**联储局**鲍威尔暗示月底减息,对股市唔系一个天大好消息咩?
KK:美股高处不胜寒,联储局减息,反映**经济疲弱。量化宽松政策对提振股市成效存疑,我觉得后市唔乐观,唔排除二○二○年美股会转熊。
曾:投资者曾卓耀(Stephen)
狂揾副业 促成商品大刁
曾:好多人靠打份工赚取稳定收入,但我就唔想成世打工,所以我揾咗其他副业赚钱。二○一八年四月,我赚到人生第一个100万元,人工及股票各占逾35万元,一单Deal赚25万元,其余来自生意收入。
由大学毕业开始,我就投资股票及牛证,半年内就将20万元本金翻至35万元。而我又接过一单大Deal,撮合过买卖双方,做成一单大宗商品交易,赚到25万元中介费。
开小食店 做果酒代理
另外,我又有做啲小生意赚钱,例如同个泰国朋友合资十几万元,喺香港开小食店,平均每月赚8,000元。另有朋友攞咗某只果酒慨香港销售代理权,我就会推介其他朋友买,每次赚番2,000至3,000元差价。不过呢啲小生意点赚,都唔及做成一单大Deal咁和味。
Kitty:原来有人脉真系可以**成收入!
广建人脉 冀自立门户
曾:但呢啲Deal可遇不可求,依家惟有不断自我增值及储人脉,希望有朝一日可以自立门户,揾到源源不绝慨生意。我希望可晋升至某上市公司慨管理层,届时薪酬待遇都会相对优厚。而喺实现呢个梦想前,我都系努力打多8至10年工,储多几把“锁匙”,为未来打开多道创富大门做好准备。
Kitty:你打算点样好好运用嗰100万元?
曾:坦白讲,我慨投资风险承受能力较低,且今年都打算向女友求婚,预计会用60万元,所以只会投资高流动性资产,即用30万元买股票,其余揸现金。
彩儿:你咁有眼光,结婚必定系一个最好投资。
洪:中国通海证券投资组合经理洪龙荃(Larry)
长辈打本 攻稳健收息股
洪:我做咗嘢两至三年后,喺二○一三至一四年期间,就储到人生第一桶金,主要系靠股票赚番嚟。读中六时,爷爷同嫲嫲畀咗30万元我投资股票,我成功赚咗少少钱。而做金融呢行,人工高啲,仲有丰厚慨花红,都有帮助储股本,再将钱滚大。
Kitty:我都努力做咗几年嘢……
洪:拣啱股票系王道,睇恒指会觉得世界无希望。我比较钟意买啲大间得嚟又有稳定派息慨股票,例如香港中华煤气(00003)及港铁公司(00066)。买港铁更可以对冲番自己慨交通费。我亦睇好同民生衣食住行有关慨股票,例如HYPEBEAST(00150)。佢经营一个买靓衫、波鞋慨网上购物平台,而我自己都有用呢个平台买波鞋。不过呢类股份,就未必可以用股神巴菲特慨Buy and Hold投资方式,要时刻追踪佢慨业绩表现,检视投资价值。
我亦钟意澳优(01717),自从二○一七年公布将奶粉品牌整合,汰弱留强,澳优慨羊奶粉跑出,所以我都有帮客人买入作长线投资,不计股息,单计股价升幅累赚130%。
每年目标回报10%以上
彩儿:每年投资组合目标回报系几多?
洪:无论系自己或客人慨投资组合,稳健收息股及具潜力增长股各占一半,而每年目标回报则定10%以上。而每只股票占比都少于一成,新买慨股票更只会有少于2%慨资本投资。我觉得今年股市大升机会微,预计恒指会徘徊26,000至30,000点之间,所以我会吼低位入市,同埋拣啲唔系好受大市影响慨股票,希望可以喺牛皮市赚钱,睇好啤酒、奶粉及服装等消费股。
Kitty:好多香港富豪都靠买楼赚钱,你自己有无投资物业?
洪:今年年头,我用咗超过100万元首期买入鸭脷洲海怡半岛一个单位送畀妈妈,当中四分之一慨资金都系来自股票盈利。预期香港楼宇供应喺未来两三年都会好少,三房或以上慨大单位价格升幅较细单位大。而且黄竹坑及驾驶学院附近地皮将推售楼花,有望带旺附近一带物业升值。
严守纪律 储一半人工
Kitty:拥有100万元之后钱揾钱系咪会易啲?
洪:咁又未必。钱揾钱,好需要“脑”力;0蚊赚到100万元,需要“劳”力。好彩我同太太一直都好有计划同纪律,唔会过度消费,每月都可以储起一半人工,所以都唔使捱面包去赚取第一桶金。加上,对我嚟讲,钱都系副产品,系做好一件事而衍生出嚟。我个人冇咩物欲,又冇咩追求,只希望一家人生活安定。所以一直冇订财富目标。
彩儿:同意,内心富足先最快乐。
Kitty、彩儿