子丹缩胸凸腩自夸仲系靓仔

时间:2019-01-05

子丹缩胸凸腩自夸仲系靓仔
甄子丹着番当年戏服仲啱身,唔觉有肚腩㖞!
甄子丹在新片重现经典打斗场面,虽然自爆胸肌缩水兼有健康肥腩,但着番旧戏服依然啱身!
甄子丹前晚与伍允龙为电影《肥龙过江》于九龙湾拍摄煞科戏,他表示该场口是以搞笑手法,将自己15年前的经典作《杀破狼》场面重现:“喺同一条巷,着番同一套衫、揸同一支棍。(件衫仲啱着?)啱!仲松咗!因为胸肌冇以前咁大,反而肚腩肥咗,系健康肥。”他表示还会玩转《导火线》,自己玩自己搞笑一番:“不过套戏唔系完全喜剧,我唔识胡闹,呢个交畀拍档晶哥(王晶)。我同佢合作咗三部戏,分担唔同岗位,套戏拍咗一年,我哋边拍边改。”
肥仔造型 仔女认唔出
提到戏中的肥仔造型,子丹笑言是靓仔肥仔:“几年前制作过一个广告,就系肥仔造型,出街后啲朋友话可以将呢个角色变为电影。(太太钟意你个肥仔造型?)啲小朋友唔认得我,仔女嚟探班唔知边个系老窦。”
今日
甄子丹与伍允龙重现《杀破狼》一幕,搞笑居多!
当年
《杀破狼》
有份投资兼主演的王晶表示制作成本不菲:“有半套以上慨戏喺日本拍摄,又喺厂搭建咗条歌舞伎町。(你今次过足戏瘾?)丹爷(甄子丹)叫我演呢个角色,喺戏入面打到死,我哋两个夹埋打几十个,佢打几十个,我打几个,唔打唔知咁好打。”