波尔重创 湖人季后赛势危

时间:2019-01-21

湖人昨喺NBA作客加时134:138不敌火箭,曾领先21分下被逆转,除勒邦占士未伤愈,波尔打到第3节更加足踝90度恐怖扭伤离场,暂时未知要抖几耐,令人担心湖人会入唔到季后赛。
古斯马喺第1节爆Seed攻入20分,成为高比拜仁后首个单节得分20+湖人球员,最后佢全场有32分、8个篮板同3次助攻,可惜波尔喺第3节伤出,佢喺分波慨时候踩中对方只脚拗柴,导致左脚足踝90度扭伤,行都唔得要工作人员扶走再送院。
衰开有条路,随后湖人教练禾顿向球证投诉,连食两个技术犯规被逐,结果占士夏登有48分、8个篮板同6次助攻,个人职业生涯第65次得分40+,超越“大帝”勒邦占士位列现役球员第1位,带领火箭喺加时赢波,而且夏登近3场攻入163分,全部都系自己嚟唔使队友助攻。