丝丝讲场:商界杰出女性 恒生郑慧敏No.2

时间:2019-01-23

丝丝讲场:商界杰出女性 恒生郑慧敏No.2
恒生 郑慧敏
女性喺商界慨影响力真系唔可以忽视,恒生银行(00011)副董事长兼首席执行官郑慧敏(Louisa)接棒做“一姐”只系一年半松啲,呢日就已经有好消息,佢荣登《福布斯》一九年中国最杰出商界女性排名榜之中慨第二位!
中信银行李庆萍称冠
呢位恒生历来第三位女舵手,系香港绝少榜上有名慨高管,究竟《福布斯》用咩做衡量指标?原来会睇佢哋打骰公司慨营业规模、管理人数、外界影响力等,用量化方式嚟拣出100名杰出女性。Louisa作为上市蓝筹企业慨唯一女CEO,无番咁上下实力,突围而出你估咁易。
讲到叱咤风云慨女性,唔少得中信银行(00998)董事长李庆萍,佢带领信行喺产品创新、零售业务发展都有明显跃进,排名由一八年慨次位,跃升至今年慨榜首。
不过,今次爆冷上榜就系第三位慨百胜中国首席执行官屈翠容。佢哋第一家餐厅喺八七年开业,依家全中国分店超过8,000间。
而内地通用零部件制造公司日机密封(300470.SZ)总经理慨何方排名第四,以及五粮液(000858.SZ)总经理陈林排第五。
见到呢5位女性喺商界有咁好成绩,丝丝真系要加把劲!
余丝韵