【开箱】Wharfedale D320 + D300C 前中置身痕入手记

时间:2019-01-24

小瑟今年第一件换的新玩具就系呢套 Wharfedale D320 + D300C 前置同中置喇叭, 话说上次系东哥度听完之后, 再系 DES 会场听到佢出来的声音, 比佢果份广阔感所吸引, 而且呢三只喇叭的价钱真系非常之抵玩, 就系身痕之下, 就迎左佢入宫呢。

【开箱】Wharfedale D320 + D300C 前中置身痕入手记

香港最难玩得长久的‘海绵边’低音重现江湖
今次换上呢套 D320书架喇叭 + D300C中置, 4寸及5寸海绵边低音单元小瑟觉得绝对系焦点所在, , 4Ω的阻抗, 65Hz-20kHz 加上灵敏度 86dB, 功率 20-60W, 其实系一般玩家庭影院的朋友已经够用, 而且呢个规格支援好多入门级的 AV 扩音机都非常不错, 而大家见到除左海绵边之外, 低音单元用上 Kevlar物料, 呢个物料一般用于船身、飞机、头盔和防弹衣上的合成纤维, 其实多年前已经开始用到系喇叭单元上, 评价非常不错!海绵边其实大家对佢都又爱又恨, 爱……是 因为那份刚柔并重既低频, 打出来非常舒服, 而且低频的质感有说不出的柔软感, 非常讨好, 不过最大问题就系香港的天气, 潮湿的天气另外好多单元都无法耐用. 而呢只新型号 D300 系列就会涂上一种可以令海绵边变得更耐用的涂层, 再配合代理做到五年的保用, 相信大家的信心都会即时大增吧!

【开箱】Wharfedale D320 + D300C 前中置身痕入手记

WFR 软膜高音单元及设计用心的声箱
D300 系列用上广阔响应频率高音单元(Wide Frequency Response), 再加上非常多的组件拼合出来,两个高音音圈推动一种特别物料软膜产生出来的高音, 感觉开扬, 非常讨好. 而音箱方面, 前面板 28mm厚,有利于扩散。而最过引的就是其底部有一个差唔多可以成只手掌放入去的气孔向下打, 非常适合我地屋企细细, 担心后墙喇叭太近影响音效的玩家呢!^^"

成只手掌放入去的气孔向下打。

小三元写真照
讲左咁耐, 小瑟都同三只喇叭影左好多写真照, 不如就同大家分享一下呢套喇叭的线节, 之后再同大家文字分享一下听感, 如果大家都希望可以睇片, 亦都可以系本文最上找返小瑟开箱条片睇睇, 小瑟都会同大家即时分享返第一身试完的感受呢。

实试家庭影院第一感觉 : 《Ghost in the Shell - 攻壳机动队》
首先要试的就一定系小瑟至爱试之一的《攻壳》, 爆玻璃一幕玻璃爆碎声打埋身呢下其实真系好好试, Pioneer LX-901的音压用上 -10 度, 开场的音乐已经比到一份新鲜的音乐感小瑟, 而去到戏肉爆玻璃一刻, 效果明显比之前埋身了, 之前的包围感比较远一点, 这个埋身感觉有一点似小瑟上次试玩 Pionner LX800 时埋近场距离感觉, 但当然投入感同埋身的程度都仲换上 LX800 仲有一点点的距离, 但又咁讲, 前面三只小三元加埋索价只需五千几蚊就有得玩, 可以比到呢个效果小瑟已经非常不错呢。

PAT PAT痕 换只脚仔玩下先!
小瑟试左一排, 原装脚仔想加钉脚系有D难度, 因为小瑟本身粒钉都几大粒, 所以要加脚就只可以将原装的胶脚拆走先可以, 不过好彩一枝六角匙已经可以搅掂, 换左脚之后, 升返高小小只喇叭, 感觉就更加开扬, 整个音场都可以升返高, 包围感同立体感又好左, 正!!!

Conclusion : “又一只效果超出身价的入门抵玩喇叭!”
小瑟今次之所以会咁大胆又入手新喇叭, 最大主因都系因为价位同外观都相当吸引, 所以就系新年前快手换左屋企对小三元, 希望可以系新年时可以毒下D亲戚玩下家庭影院啦. 始终呢套喇叭 D320呢只咁企理, 声音质素又唔错的书架加一只D300C中置, 价钱只系 HKD$2980(D320 ) + HKD$2380(D300C), 为返都只系 HKD$5360就可以换哂前面三只, 以性价比来讲真系冇得输, 而且对 D320 用来听两声道的确系好正, 小瑟系屋企用部AV AMP听歌时都发现, D320出的低音果份甜美, 层次分明, 系比到人好舒服享受音乐的一类, 所以无论大家系听歌或睇戏为主的, 都绝对值得亲身一试.

查询:辉煌影音有限公司 (2137 5637)