丝丝讲场:两大交易所启市斗闪

时间:2019-02-09

丝丝讲场:两大交易所启市斗闪
港交所查史美伦(前排左一)及李小加(前排左二)大派利是!
寻日大年初四系猪年首个交易日,丝丝当然唔会放过去港交所(00388)、金银业贸易场两大交易所,同各位财金官员拜年慨机会啦。
小加被集邮 似明星出巡
睇见两大交易所农历新年开市仪式都非常热闹。港交所慨新场挤满二、三百人观赏舞狮,一身红当当套装配埋钻石心口针慨**查史美伦仲同醒狮点睛。
做咗九年港交所CEO慨李小加,原来“吸粉”无数,唔少财金圈人士都趁机会抢住同小加影相“集邮”,成功合照慨“粉丝”仲兴奋到欢呼,唔知以为边个明星到场添。小加仲自爆,为咗出席上市仪式,专登推迟咗旅行计划留港㗎。
畀人“集邮”之余,小加都不忘谈及香港好重要慨新股市场。佢话狗年有两只新股印象好深刻,一只系平安夜上市慨君实生物(01877),另一只系年三十挂牌慨猫眼娱乐(01896)。因为系近年来第一次有新股拣喺呢两日上市,证明香港市场活力无限咁话㖞。
金条摆阵超耀眼
另一边厢,金银业贸易场延续一贯传统“晒冷”,除咗派出一大班财神,现场仲展示出100砖九九金条,重量超过2,670両,价值超过330万元㗎,真系睇到丝丝“眼金金”!
余丝韵